آئینِ اسلامی جمہوریہ پاکستان 1973ء (بمع ترامیم)

آرٹیکل 267A: مشکلات دور کرنے کا اختیار

1. (1)

   اگر آئین (اٹھارہویں ترمیم) ایکٹ، 2010ء کے احکام کو، جسے بعد ازیں اس آرٹیکل میں ایکٹ کہا گیا ہے، مؤثر کرنے میں، یا ایکٹ کے احکام کو مؤثر طور پر نافذ العمل بنانے میں کوئی مشکل پیدا ہو، تو معاملہ دونوں ایوانوں کے مشترکہ اجلاس کے سامنے رکھا جائے گا، جو قرارداد کے ذریعے ہدایت دے سکتا ہے کہ ایکٹ کے احکام، اس مدت کے دوران جو قرارداد میں متعین ہو، ایسی موافقتوں کے تابع، خواہ ترمیم، اضافے یا حذف کی صورت میں، جو ضروری یا مناسب سمجھی جائیں، مؤثر ہوں گے: بشرطیکہ یہ اختیار ایکٹ کے آغاز سے ایک سال کی مدت کے لیے دستیاب ہوگا۔