آئینِ اسلامی جمہوریہ پاکستان 1973ء (بمع ترامیم)

آرٹیکل 75: بلوں پر صدر کی منظوری

1. (1)

   جب کوئی بل صدر کی منظوری کے لیے پیش کیا جائے تو صدر دس دن کے اندر،-

   1. (a)

      بل کی منظوری دے گا؛ یا

   2. (b)

      مالی بل کے علاوہ کسی بل کی صورت میں، بل کو مجلسِ شوریٰ (پارلیمنٹ) کو اس پیغام کے ساتھ واپس کر دے گا کہ بل یا اس کے کسی مخصوص حکم پر دوبارہ غور کیا جائے اور پیغام میں مذکور کسی ترمیم پر غور کیا جائے۔

2. (2)

   جب صدر نے کوئی بل مجلسِ شوریٰ (پارلیمنٹ) کو واپس کیا ہو تو مجلسِ شوریٰ (پارلیمنٹ) اس پر مشترکہ اجلاس میں دوبارہ غور کرے گی اور اگر وہ ترمیم کے ساتھ یا بغیر ترمیم کے مجلسِ شوریٰ (پارلیمنٹ) کی جانب سے دونوں ایوانوں کے حاضر اور رائے دہندہ ارکان کی اکثریت کے ووٹوں سے دوبارہ منظور کر لیا جائے؛ تو آئین کے مقاصد کے لیے سمجھا جائے گا کہ وہ دونوں ایوانوں سے منظور ہو چکا ہے اور وہ صدر کے سامنے پیش کیا جائے گا، اور صدر دس دن کے اندر اپنی منظوری دے گا، ورنہ سمجھا جائے گا کہ منظوری دے دی گئی ہے۔

3. (3)

   جب صدر نے بل کی منظوری دے دی ہو یا سمجھا جائے کہ منظوری دے دی ہے تو وہ قانون بن جائے گا اور مجلسِ شوریٰ (پارلیمنٹ) کا ایکٹ کہلائے گا۔

4. (4)

   مجلسِ شوریٰ (پارلیمنٹ) کا کوئی ایکٹ، اور ایسے کسی ایکٹ کا کوئی حکم، صرف اس بنا پر ناجائز نہیں ہوگا کہ آئین کی رو سے مطلوب کوئی سفارش، پیشگی منظوری یا رضامندی نہیں دی گئی تھی، بشرطیکہ اس ایکٹ کی منظوری آئین کے مطابق دی گئی ہو۔