آئینِ اسلامی جمہوریہ پاکستان 1973ء (بمع ترامیم)

آرٹیکل 30: اصولِ پالیسی کے بارے میں ذمہ داری

1. (1)

   مملکت کے کسی شعبے یا ادارے کا، یا مملکت کے کسی شعبے یا ادارے کی جانب سے کام انجام دینے والے شخص کا کوئی اقدام اصولِ پالیسی کے مطابق ہے یا نہیں، اس کا فیصلہ کرنے کی ذمہ داری مملکت کے متعلقہ شعبے یا ادارے یا متعلقہ شخص کی ہے۔

2. (2)

   کسی اقدام یا قانون کی صحت کو اس بنا پر چیلنج نہیں کیا جائے گا کہ وہ اصولِ پالیسی کے مطابق نہیں، اور اس بنا پر مملکت یا مملکت کے کسی شعبے یا ادارے یا کسی شخص کے خلاف کوئی کارروائی نہیں ہو سکے گی۔