آئینِ اسلامی جمہوریہ پاکستان 1973ء (بمع ترامیم)

آرٹیکل 148: صوبوں اور وفاق کی ذمہ داری

1. (1)

   ہر صوبے کا انتظامی اختیار اس طرح استعمال کیا جائے گا کہ ان وفاقی قوانین کی تعمیل یقینی ہو جو اس صوبے میں لاگو ہوں۔

2. (2)

   اس باب کے کسی دوسرے حکم پر اثر انداز ہوئے بغیر، کسی صوبے میں وفاق کے انتظامی اختیار کے استعمال میں اس صوبے کے مفادات کا لحاظ رکھا جائے گا۔

3. (3)

   وفاق کا فرض ہوگا کہ وہ ہر صوبے کو بیرونی جارحیت اور اندرونی انتشار سے تحفظ دے اور اس امر کو یقینی بنائے کہ ہر صوبے کی حکومت آئین کے احکام کے مطابق چلائی جائے۔