آئینِ اسلامی جمہوریہ پاکستان 1973ء (بمع ترامیم)

آرٹیکل 144: رضامندی سے ایک یا زیادہ صوبوں کے لیے قانون سازی کا مجلسِ شوریٰ (پارلیمنٹ) کا اختیار

1. (1)

   اگر ایک یا زیادہ صوبائی اسمبلیاں ایسی قراردادیں منظور کریں کہ مجلسِ شوریٰ (پارلیمنٹ) قانون کے ذریعے کسی ایسے معاملے کی ضابطہ بندی کرے جو چوتھے شیڈول میں وفاقی قانون سازی کی فہرست میں شمار نہ کیا گیا ہو، تو مجلسِ شوریٰ (پارلیمنٹ) کے لیے جائز ہوگا کہ وہ اس معاملے کی ضابطہ بندی کے لیے اس کے مطابق ایکٹ منظور کرے، لیکن اس طرح منظور کیے گئے کسی ایکٹ میں، جس صوبے پر وہ لاگو ہو اس کے سلسلے میں، اس صوبے کی اسمبلی کے ایکٹ کے ذریعے ترمیم یا اس کی منسوخی ہو سکے گی۔