آئینِ اسلامی جمہوریہ پاکستان 1973ء (بمع ترامیم)

آرٹیکل 140: صوبے کا ایڈووکیٹ جنرل

1. (1)

   ہر صوبے کا گورنر ایک ایسے شخص کو، جو ہائی کورٹ کا جج مقرر ہونے کا اہل ہو، صوبے کا ایڈووکیٹ جنرل مقرر کرے گا۔

2. (2)

   ایڈووکیٹ جنرل کا فرض ہوگا کہ وہ صوبائی حکومت کو ایسے قانونی امور پر مشورہ دے، اور ایسے دیگر قانونی نوعیت کے فرائض انجام دے جو صوبائی حکومت کی جانب سے اس کے سپرد یا تفویض کیے جائیں۔

3. (3)

   ایڈووکیٹ جنرل گورنر کی خوشنودی تک عہدے پر فائز رہے گا اور جب تک وہ ایڈووکیٹ جنرل کے عہدے پر ہو، نجی پریکٹس نہیں کرے گا۔

4. (4)

   ایڈووکیٹ جنرل اپنے ہاتھ سے تحریر کردہ اور گورنر کے نام مخاطب تحریر کے ذریعے اپنے عہدے سے استعفیٰ دے سکتا ہے۔