آئینِ اسلامی جمہوریہ پاکستان 1973ء (بمع ترامیم)

آرٹیکل 175C: وفاقی آئینی عدالت کے ججوں کا تقرر

1. (1)

   چیف جسٹس وفاقی آئینی عدالت اور اس کے ہر دوسرے جج کا تقرر صدر آرٹیکل 175A کے مطابق کرے گا۔

2. (2)

   کوئی شخص وفاقی آئینی عدالت کا جج مقرر نہیں کیا جائے گا الا یہ کہ وہ پاکستان کا شہری ہو اور-

   1. (a)

      سپریم کورٹ کا جج ہو یا رہ چکا ہو؛ یا

   2. (b)

      کسی ہائی کورٹ کا کم از کم پانچ سال کی مدت کے لیے جج رہ چکا ہو؛

   3. (c)

      یا وہ کم از کم بیس سال کی مدت کے لیے ہائی کورٹ کا ایڈووکیٹ رہ چکا ہو اور سپریم کورٹ کا ایڈووکیٹ ہو۔

3. (3)

   اس آرٹیکل کے تحت مقرر کردہ ججوں کی باہمی سینیارٹی (inter se seniority) اس تاریخ سے شمار ہوگی جب وہ عہدہ سنبھالیں اور اگر وہ تاریخ ایک ہی ہو تو ان کی عمر کی بنیاد پر: بشرطیکہ سپریم کورٹ کا وہ جج جو آئین (ستائیسویں ترمیم) ایکٹ، 2025ء کے نفاذ کے وقت مذکورہ عہدے پر فائز ہو، چیف جسٹس وفاقی آئینی عدالت کے سوا دیگر ججوں کے درمیان اپنی باہمی سینیارٹی برقرار رکھے گا۔