آئینِ اسلامی جمہوریہ پاکستان 1973ء (بمع ترامیم)

آرٹیکل 251: قومی زبان

1. (1)

   پاکستان کی قومی زبان اردو ہے، اور یومِ آغاز سے پندرہ سال کے اندر اسے سرکاری اور دیگر مقاصد کے لیے استعمال کرنے کے انتظامات کیے جائیں گے۔

2. (2)

   شق (1) کے تابع، جب تک اس کی جگہ اردو کے استعمال کے انتظامات نہ ہو جائیں، سرکاری مقاصد کے لیے انگریزی زبان استعمال کی جا سکتی ہے۔

3. (3)

   قومی زبان کی حیثیت پر اثر انداز ہوئے بغیر، صوبائی اسمبلی قانون کے ذریعے قومی زبان کے علاوہ کسی صوبائی زبان کی تعلیم، فروغ اور استعمال کے لیے اقدامات مقرر کر سکتی ہے۔