آئینِ اسلامی جمہوریہ پاکستان 1973ء (بمع ترامیم)

آرٹیکل 142: وفاقی اور صوبائی قوانین کا موضوع

آئین کے تابع-

1. (a)

   مجلسِ شوریٰ (پارلیمنٹ) کو وفاقی قانون سازی کی فہرست میں شامل کسی بھی معاملے کے بارے میں قانون وضع کرنے کا خصوصی اختیار حاصل ہوگا؛

2. (b)

   مجلسِ شوریٰ (پارلیمنٹ) اور صوبائی اسمبلی کو فوجداری قانون، ضابطۂ فوجداری اور قانونِ شہادت کے بارے میں قانون وضع کرنے کا اختیار حاصل ہوگا۔

3. (c)

   فقرہ (b) کے تابع، صوبائی اسمبلی کو، اور مجلسِ شوریٰ (پارلیمنٹ) کو نہیں، کسی ایسے معاملے کے بارے میں قانون وضع کرنے کا اختیار حاصل ہوگا جو وفاقی قانون سازی کی فہرست میں شمار نہ کیا گیا ہو۔

4. (d)

   مجلسِ شوریٰ (پارلیمنٹ) کو وفاق کے ایسے علاقوں سے متعلق تمام امور کے بارے میں قانون وضع کرنے کا خصوصی اختیار حاصل ہوگا جو کسی صوبے میں شامل نہ ہوں۔