آئینِ اسلامی جمہوریہ پاکستان 1973ء (بمع ترامیم)

آرٹیکل 79: وفاقی مجموعی فنڈ اور پبلک اکاؤنٹ کی تحویل وغیرہ

وفاقی مجموعی فنڈ کی تحویل، اس فنڈ میں رقوم کی ادائیگی، اس سے رقوم نکالنا، وفاقی حکومت کو یا اس کی جانب سے وصول ہونے والی دیگر رقوم کی تحویل، ان کی وفاق کے پبلک اکاؤنٹ میں ادائیگی اور اس سے نکالنا، اور مذکورہ امور سے متعلق یا ان کے ضمنی تمام امور مجلسِ شوریٰ (پارلیمنٹ) کے ایکٹ کے ذریعے، یا جب تک اس بارے میں اس طرح بندوبست نہ ہو، صدر کے وضع کردہ قواعد کے ذریعے منضبط ہوں گے۔