آئینِ اسلامی جمہوریہ پاکستان 1973ء (بمع ترامیم)

آرٹیکل 207: جج منفعت بخش عہدہ وغیرہ نہیں رکھے گا

1. (1)

   وفاقی آئینی عدالت یا سپریم کورٹ یا ہائی کورٹ کا جج،

   1. (a)

      پاکستان کی ملازمت میں کوئی دوسرا منفعت بخش عہدہ نہیں رکھے گا اگر اس سے اس کے معاوضے میں اضافہ ہوتا ہو؛ یا

   2. (b)

      کوئی ایسا دوسرا منصب نہیں رکھے گا جس میں خدمات کی انجام دہی پر معاوضے کا حق ہو۔

2. (2)

   جو شخص وفاقی آئینی عدالت یا سپریم کورٹ یا ہائی کورٹ کے جج کے عہدے پر فائز رہا ہو، وہ اس عہدے پر فائز نہ رہنے کے بعد دو سال کے اختتام سے پہلے پاکستان کی ملازمت میں کوئی منفعت بخش عہدہ نہیں رکھے گا، سوائے عدالتی یا نیم عدالتی عہدے، یا چیف الیکشن کمشنر کے عہدے، یا لاء کمیشن کے چیئرمین یا رکن کے عہدے، یا اسلامی نظریاتی کونسل کے چیئرمین یا رکن کے عہدے کے۔

3. (3)

   جو شخص مستقل جج کے عہدے پر فائز رہا ہو،

   1. (a)

      وفاقی آئینی عدالت یا سپریم کورٹ کا، وہ پاکستان میں کسی عدالت میں یا کسی اتھارٹی کے روبرو وکالت یا کارروائی نہیں کرے گا؛ اور

   2. (b)

      ہائی کورٹ کا، وہ اس کے دائرۂ اختیار کے اندر کسی عدالت میں یا کسی اتھارٹی کے روبرو وکالت یا کارروائی نہیں کرے گا۔