آئینِ اسلامی جمہوریہ پاکستان 1973ء (بمع ترامیم)

آرٹیکل 112: صوبائی اسمبلی کی تحلیل

1. (1)

   گورنر صوبائی اسمبلی کو تحلیل کرے گا اگر وزیراعلیٰ اسے ایسا مشورہ دے؛ اور صوبائی اسمبلی، جب تک قبل ازیں تحلیل نہ ہو، وزیراعلیٰ کے ایسا مشورہ دینے کے اڑتالیس گھنٹے گزرنے پر تحلیل ہو جائے گی۔ توضیح: اس آرٹیکل میں “وزیراعلیٰ” کے حوالے کا یہ مطلب نہیں لیا جائے گا کہ اس میں ایسا وزیراعلیٰ شامل ہے جس کے خلاف صوبائی اسمبلی میں عدمِ اعتماد کے ووٹ کی قرارداد کا نوٹس دیا گیا ہو مگر اس پر رائے شماری نہ ہوئی ہو یا جس کے خلاف عدمِ اعتماد کے ووٹ کی قرارداد منظور ہو چکی ہو۔

2. (2)

   گورنر صدر کی پیشگی منظوری کے تابع، اپنی صوابدید پر بھی صوبائی اسمبلی کو تحلیل کر سکتا ہے جہاں وزیراعلیٰ کے خلاف عدمِ اعتماد کا ووٹ منظور ہو چکا ہو اور صوبائی اسمبلی کا کوئی دوسرا رکن آئین کے احکام کے مطابق صوبائی اسمبلی کے ارکان کی اکثریت کا اعتماد حاصل نہ رکھتا ہو، جیسا کہ اس مقصد کے لیے طلب کردہ صوبائی اسمبلی کے اجلاس میں معلوم کیا گیا ہو۔