آئینِ اسلامی جمہوریہ پاکستان 1973ء (بمع ترامیم)

آرٹیکل 87: مجلسِ شوریٰ (پارلیمنٹ) کے سیکرٹریٹ

1. (1)

   ہر ایوان کا ایک علیحدہ سیکرٹریٹ ہوگا، بشرطیکہ اس شق کی کسی بات کا یہ مطلب نہیں لیا جائے گا کہ یہ دونوں ایوانوں کے مشترکہ عہدے قائم کرنے میں مانع ہے۔

2. (2)

   مجلسِ شوریٰ (پارلیمنٹ) قانون کے ذریعے کسی بھی ایوان کے سیکرٹریٹ کے عملے میں مقرر ہونے والے اشخاص کی بھرتی اور شرائطِ ملازمت کو منضبط کر سکتی ہے۔

3. (3)

   جب تک مجلسِ شوریٰ (پارلیمنٹ) شق (2) کے تحت بندوبست نہ کرے، سپیکر یا، جیسی بھی صورت ہو، چیئرمین، صدر کی منظوری سے، قومی اسمبلی یا سینیٹ کے سیکرٹریٹ کے عملے میں مقرر ہونے والے اشخاص کی بھرتی اور شرائطِ ملازمت کو منضبط کرنے والے قواعد وضع کر سکتا ہے۔