آئینِ اسلامی جمہوریہ پاکستان 1973ء (بمع ترامیم)

آرٹیکل 11: غلامی، جبری مشقت وغیرہ کی ممانعت

1. (1)

   غلامی کا وجود نہیں اور یہ ممنوع ہے، اور کوئی قانون اس کے کسی بھی شکل میں پاکستان میں رائج کیے جانے کی اجازت نہیں دے گا اور نہ اسے آسان بنائے گا۔

2. (2)

   جبری مشقت کی تمام اقسام اور انسانوں کی خرید و فروخت ممنوع ہیں۔

3. (3)

   چودہ سال سے کم عمر کے کسی بچے کو کسی کارخانے یا کان یا کسی دوسرے خطرناک کام میں نہیں لگایا جائے گا۔

4. (4)

   اس آرٹیکل کی کسی بات کا اثر لازمی خدمت پر نہیں سمجھا جائے گا:-

   1. (a)

      جو کوئی ایسا شخص انجام دے جو کسی قانون کے خلاف جرم کی سزا بھگت رہا ہو؛ یا

   2. (b)

      جو کسی قانون کی رو سے مفادِ عامہ کے لیے مطلوب ہو، بشرطیکہ کوئی لازمی خدمت ظالمانہ نوعیت کی یا انسانی وقار سے منافی نہ ہو۔