آئینِ اسلامی جمہوریہ پاکستان 1973ء (بمع ترامیم)

آرٹیکل 255: عہدے کا حلف

1. (1)

   آئین کے تحت کسی شخص سے مطلوب حلف ترجیحاً اردو یا ایسی زبان میں اٹھایا جائے گا جسے وہ شخص سمجھتا ہو۔

2. (2)

   جہاں آئین کے تحت حلف کسی متعین شخص کے روبرو اٹھایا جانا مطلوب ہو اور کسی وجہ سے اس شخص کے روبرو حلف اٹھانا ممکن نہ ہو، تو وہ ایسے دوسرے شخص کے روبرو اٹھایا جا سکتا ہے جسے صوبے کی صورت میں ہائی کورٹ کا چیف جسٹس اور دیگر تمام صورتوں میں چیف جسٹس آف پاکستان نامزد کرے۔

3. (3)

   جہاں آئین کے تحت کسی شخص سے عہدہ سنبھالنے سے پہلے حلف اٹھانا مطلوب ہو، تو سمجھا جائے گا کہ اس نے اس دن عہدہ سنبھالا جس دن اس نے حلف اٹھایا۔