آئینِ اسلامی جمہوریہ پاکستان 1973ء (بمع ترامیم)

آرٹیکل 56: صدر کا خطاب

1. (1)

   صدر کسی ایک ایوان یا دونوں ایوانوں سے مشترکہ طور پر خطاب کر سکتا ہے اور اس غرض کے لیے ارکان کی حاضری کا تقاضا کر سکتا ہے۔

2. (2)

   صدر کسی ایوان کو پیغامات بھیج سکتا ہے، خواہ مجلسِ شوریٰ (پارلیمنٹ) میں اس وقت زیرِ التوا کسی بل کے بارے میں ہوں یا کسی اور بارے میں، اور جس ایوان کو ایسا پیغام بھیجا جائے وہ پوری سہولت کے ساتھ جلد از جلد ہر اس امر پر غور کرے گا جس پر پیغام میں غور کرنے کا تقاضا کیا گیا ہو۔

3. (3)

   قومی اسمبلی کے ہر عام انتخاب کے بعد پہلے اجلاس کے آغاز پر اور ہر سال کے پہلے اجلاس کے آغاز پر صدر دونوں ایوانوں سے مشترکہ طور پر خطاب کرے گا اور مجلسِ شوریٰ (پارلیمنٹ) کو اس کے طلب کیے جانے کے اسباب سے آگاہ کرے گا۔

4. (4)

   ایوان کے طریقِ کار اور اس کے کاروبار کو چلانے کو منضبط کرنے والے قواعد میں صدر کے خطاب میں مذکور امور پر بحث کے لیے وقت مختص کرنے کا بندوبست کیا جائے گا۔