آئینِ اسلامی جمہوریہ پاکستان 1973ء (بمع ترامیم)

آرٹیکل 172: بلا مالک جائیداد

1. (1)

   کوئی جائیداد جس کا کوئی جائز مالک نہ ہو، اگر کسی صوبے میں واقع ہو تو اس صوبے کی حکومت میں، اور ہر دوسری صورت میں وفاقی حکومت میں، منتقل ہو جائے گی۔

2. (2)

   تمام زمینیں، معدنیات اور دیگر قیمتی اشیا جو براعظمی شیلف (continental shelf) کے اندر ہوں یا پاکستان کے علاقائی پانیوں سے آگے سمندر کے نیچے ہوں، وفاقی حکومت میں منتقل ہوں گی۔

3. (3)

   موجودہ وعدوں اور ذمہ داریوں کے تابع، صوبے کے اندر یا اس سے ملحقہ علاقائی پانیوں میں معدنی تیل اور قدرتی گیس اس صوبے اور وفاقی حکومت میں مشترکہ اور مساوی طور پر منتقل ہوں گے۔