آئینِ اسلامی جمہوریہ پاکستان 1973ء (بمع ترامیم)

آرٹیکل 127: قومی اسمبلی وغیرہ سے متعلق احکام کا صوبائی اسمبلی وغیرہ پر اطلاق

آئین کے تابع، آرٹیکل 53 کی شقوں (2) تا (8)، آرٹیکل 54 کی شقوں (2) اور (3)، آرٹیکل 55، آرٹیکل 63 تا 67، آرٹیکل 69، آرٹیکل 77، آرٹیکل 87 اور آرٹیکل 88 کے احکام صوبائی اسمبلی یا اس کی کمیٹی یا ارکان یا صوبائی حکومت پر اور ان کے سلسلے میں لاگو ہوں گے، لیکن اس طرح کہ

1. (a)

   ان احکام میں مجلسِ شوریٰ (پارلیمنٹ)، کسی ایوان یا قومی اسمبلی کے ہر حوالے کو صوبائی اسمبلی کا حوالہ سمجھا جائے گا؛

2. (b)

   ان احکام میں صدر کے ہر حوالے کو صوبے کے گورنر کا حوالہ سمجھا جائے گا؛

3. (c)

   ان احکام میں وفاقی حکومت کے ہر حوالے کو صوبائی حکومت کا حوالہ سمجھا جائے گا؛

4. (d)

   ان احکام میں وزیراعظم کے ہر حوالے کو وزیراعلیٰ کا حوالہ سمجھا جائے گا؛

5. (e)

   ان احکام میں وفاقی وزیر کے ہر حوالے کو صوبائی وزیر کا حوالہ سمجھا جائے گا؛

6. (f)

   ان احکام میں قومی اسمبلی پاکستان کے ہر حوالے کو اس صوبائی اسمبلی کا حوالہ سمجھا جائے گا جو یومِ آغاز سے فوراً پہلے موجود تھی؛ اور

7. (g)

   آرٹیکل 54 کی مذکورہ شق (2) کا اثر اس طرح ہوگا گویا اس کے شرطیہ حصے میں “ایک سو تیس” کے الفاظ کی جگہ “ایک سو” کا لفظ رکھا گیا ہو۔