آئینِ اسلامی جمہوریہ پاکستان 1973ء (بمع ترامیم)

آرٹیکل 165: بعض سرکاری املاک کی محصول سے استثنا

1. (1)

   وفاقی حکومت اپنی جائیداد یا آمدنی کے سلسلے میں صوبائی اسمبلی کے کسی ایکٹ کے تحت محصول کی ذمہ دار نہیں ہوگی اور، شق (2) کے تابع، صوبائی حکومت اپنی جائیداد یا آمدنی کے سلسلے میں مجلسِ شوریٰ (پارلیمنٹ) کے ایکٹ کے تحت یا کسی دوسرے صوبے کی صوبائی اسمبلی کے ایکٹ کے تحت محصول کی ذمہ دار نہیں ہوگی۔

2. (2)

   اگر کسی صوبے کی حکومت کی جانب سے یا اس کے لیے اس صوبے سے باہر کسی قسم کی تجارت یا کاروبار کیا جائے، تو اس تجارت یا کاروبار کے سلسلے میں استعمال ہونے والی کسی جائیداد یا اس تجارت یا کاروبار سے پیدا ہونے والی کسی آمدنی کے سلسلے میں اس حکومت پر مجلسِ شوریٰ (پارلیمنٹ) کے ایکٹ کے تحت یا اس صوبے کی صوبائی اسمبلی کے ایکٹ کے تحت، جہاں وہ تجارت یا کاروبار کیا جائے، محصول عائد کیا جا سکتا ہے۔

3. (3)

   اس آرٹیکل کی کوئی بات فراہم کردہ خدمات پر فیس عائد کرنے میں مانع نہیں ہوگی۔