آئینِ اسلامی جمہوریہ پاکستان 1973ء (بمع ترامیم)

آرٹیکل 208: عدالتوں کے افسر اور ملازمین

وفاقی آئینی عدالت، سپریم کورٹ، وفاقی شرعی عدالت اور اسلام آباد ہائی کورٹ، صدر کی منظوری سے، اور ہائی کورٹ، متعلقہ گورنر کی منظوری سے، ایسے قواعد وضع کر سکتی ہیں جن میں عدالت کی جانب سے عدالت کے افسروں اور ملازمین کے تقرر اور ان کی ملازمت کی شرائط کا بندوبست ہو: بشرطیکہ جب تک اس بارے میں قواعد وضع نہ ہوں، سپریم کورٹ کے افسروں اور ملازمین کے تقرر اور ان کی ملازمت کی شرائط کا بندوبست کرنے والے قواعد وفاقی آئینی عدالت کے افسروں اور ملازمین پر ضروری ترامیم کے ساتھ (mutatis mutandis) لاگو ہوں گے۔