آئینِ اسلامی جمہوریہ پاکستان 1973ء (بمع ترامیم)

آرٹیکل 116: بلوں پر گورنر کی منظوری

1. (1)

   جب کوئی بل صوبائی اسمبلی سے منظور ہو جائے تو وہ گورنر کی منظوری کے لیے پیش کیا جائے گا۔

2. (2)

   جب کوئی بل گورنر کی منظوری کے لیے پیش کیا جائے تو گورنر دس دن کے اندر،

   1. (a)

      بل کی منظوری دے گا؛ یا

   2. (b)

      مالی بل کے علاوہ کسی بل کی صورت میں، بل کو صوبائی اسمبلی کو اس پیغام کے ساتھ واپس کر دے گا کہ بل یا اس کے کسی مخصوص حکم پر دوبارہ غور کیا جائے اور پیغام میں مذکور کسی ترمیم پر غور کیا جائے۔

3. (3)

   جب گورنر نے کوئی بل صوبائی اسمبلی کو واپس کیا ہو تو صوبائی اسمبلی اس پر دوبارہ غور کرے گی اور اگر وہ ترمیم کے ساتھ یا بغیر ترمیم کے صوبائی اسمبلی سے صوبائی اسمبلی کے حاضر اور رائے دہندہ ارکان کی اکثریت کے ووٹوں سے دوبارہ منظور ہو جائے تو وہ دوبارہ گورنر کے سامنے پیش کیا جائے گا اور گورنر دس دن کے اندر اپنی منظوری دے گا، ورنہ سمجھا جائے گا کہ منظوری دے دی گئی ہے۔

4. (4)

   جب گورنر نے بل کی منظوری دے دی ہو یا سمجھا جائے کہ منظوری دے دی ہے تو وہ قانون بن جائے گا اور صوبائی اسمبلی کا ایکٹ کہلائے گا۔

5. (5)

   صوبائی اسمبلی کا کوئی ایکٹ، اور ایسے کسی ایکٹ کا کوئی حکم، صرف اس بنا پر ناجائز نہیں ہوگا کہ آئین کی رو سے مطلوب کوئی سفارش، پیشگی منظوری یا رضامندی نہیں دی گئی تھی، بشرطیکہ اس ایکٹ کی منظوری آئین کے مطابق دی گئی ہو۔