آئینِ اسلامی جمہوریہ پاکستان 1973ء (بمع ترامیم)

آرٹیکل 136: وزیراعلیٰ کے خلاف عدمِ اعتماد کا ووٹ

1. (1)

   صوبائی اسمبلی کی کل رکنیت کے کم از کم بیس فیصد کی جانب سے پیش کردہ عدمِ اعتماد کے ووٹ کی قرارداد صوبائی اسمبلی وزیراعلیٰ کے خلاف منظور کر سکتی ہے۔

2. (2)

   شق (1) میں مذکور قرارداد پر اس دن سے جس دن وہ صوبائی اسمبلی میں پیش کی جائے، تین دن گزرنے سے پہلے یا سات دن کے بعد رائے شماری نہیں ہوگی۔

3. (3)

   اگر شق (1) میں مذکور قرارداد صوبائی اسمبلی کی کل رکنیت کی اکثریت سے منظور ہو جائے تو وزیراعلیٰ عہدے پر فائز نہیں رہے گا۔