آئینِ اسلامی جمہوریہ پاکستان 1973ء (بمع ترامیم)

آرٹیکل 119: صوبائی مجموعی فنڈ اور پبلک اکاؤنٹ کی تحویل وغیرہ

صوبائی مجموعی فنڈ کی تحویل، اس فنڈ میں رقوم کی ادائیگی، اس سے رقوم نکالنا، صوبائی حکومت کو یا اس کی جانب سے وصول ہونے والی دیگر رقوم کی تحویل، ان کی صوبے کے پبلک اکاؤنٹ میں ادائیگی اور اس سے نکالنا، اور مذکورہ امور سے متعلق یا ان کے ضمنی تمام امور صوبائی اسمبلی کے ایکٹ کے ذریعے، یا جب تک اس بارے میں اس طرح بندوبست نہ ہو، گورنر کے وضع کردہ قواعد کے ذریعے منضبط ہوں گے۔