آئینِ اسلامی جمہوریہ پاکستان 1973ء (بمع ترامیم)

آرٹیکل 243: مسلح افواج کی کمان

1. (1)

   وفاقی حکومت کو مسلح افواج پر کنٹرول اور کمان حاصل ہوگی۔

2. (2)

   مذکورہ بالا حکم کی عمومیت پر اثر انداز ہوئے بغیر، مسلح افواج کی سپریم کمان صدر میں مرتکز ہوگی۔

3. (3)

   صدر کو، قانون کے تابع، یہ اختیار ہوگا-

   1. (a)

      پاکستان کی بری، بحری اور فضائی افواج، اور ایسی افواج کے ریزروز، کی بھرتی اور انہیں برقرار رکھنا؛ اور

   2. (b)

      ایسی افواج میں کمیشن دینا۔

4. (4)

   صدر، وزیراعظم کے مشورے پر، مقرر کرے گا-

   1. (a)

      چیف آف دی آرمی سٹاف جو بیک وقت چیف آف دی ڈیفنس فورسز ہوگا؛

   2. (b)

      چیف آف دی نیول سٹاف؛ اور

   3. (c)

      چیف آف دی ایئر سٹاف؛

   اور ان کی تنخواہوں اور الاؤنسوں کا بھی تعین کرے گا۔

5. (5)

   شق (4) میں مذکور کسی امر کے باوجود، چیئرمین جوائنٹ چیفس آف سٹاف کمیٹی کا عہدہ دو ہزار پچیس کے نومبر کے ستائیسویں دن سے ختم شدہ سمجھا جائے گا۔

6. (6)

   وزیراعظم، چیف آف دی آرمی سٹاف جو بیک وقت چیف آف دی ڈیفنس فورسز ہو، کی سفارش پر، پاک فوج کے ارکان میں سے کمانڈر نیشنل سٹریٹجک کمانڈ (National Strategic Command) مقرر کرے گا اور اس کی تنخواہ اور الاؤنسوں کا بھی تعین کرے گا۔

7. (7)

   جہاں وفاقی حکومت مسلح افواج کے کسی رکن کو فیلڈ مارشل، مارشل آف دی ایئر فورس یا ایڈمرل آف دی فلیٹ کے رینک پر ترقی دے، وہاں ایسا افسر عمر بھر یہ رینک اور مراعات برقرار رکھے گا اور وردی میں رہے گا۔

8. (8)

   فیلڈ مارشل، مارشل آف دی ایئر فورس اور ایڈمرل آف دی فلیٹ، قومی ہیرو ہونے کے ناتے، عہدے سے نہیں ہٹائے جائیں گے سوائے آرٹیکل 47 کے تحت بیان کردہ بنیاد یا الزامات پر اور اس میں بیان کردہ طریقے سے۔

9. (9)

   آرٹیکل 248 کے احکام، جیسا کہ وہ صدر پر لاگو ہیں، فیلڈ مارشل، مارشل آف دی ایئر فورس اور ایڈمرل آف دی فلیٹ پر ضروری ترامیم کے ساتھ (mutatis mutandis) لاگو ہوں گے۔

10. (10)

    قانون کے تحت اپنی کمان کی میعاد کی تکمیل پر، وفاقی حکومت مملکت کے مفاد میں فیلڈ مارشل، مارشل آف دی ایئر فورس یا ایڈمرل آف دی فلیٹ کی ذمہ داریوں اور فرائض کا تعین کرے گی۔

11. (11)

    صدر، وزیراعظم کے مشورے پر، فیلڈ مارشل، مارشل آف دی ایئر فورس اور ایڈمرل آف دی فلیٹ کی تنخواہ، الاؤنس اور مراعات کا تعین کرے گا۔