ماہنامہ ترجمان القرآن، جنوری 2026

میں پھر اپنی پہلی بات کی طرف پلٹوں گا اور کہوں گا کہ اخوان کی دعوت ایک عقیدے اور فکر کی دعوت ہے۔ اس وقت مشرق و مغرب میں دعوتوں اور تحریکوں کا ایک ہجوم ہے۔ اصول و نظریات کا ایک انبار ہے۔ خیالات و رجحانات کا ایک طوفان ہے اور ہر ایک دلوں کو جیتنے اور ذہنوں پر کمندیں ڈالنے کے لیے بے تاب ہے۔ ہر ایک کے کچھ افراد ہیں جو اس کے مداح اور ثناخواں ہیں، اور ہر ایک کے پیروئوں اور پرستاروں کا ایک لشکر ہے جو اس کے پروپیگنڈے میں مصروف ہے۔ جو اس کی خصوصیات اور خوبیوں کے دعوے کرتا ہے اور اس دعوے میں اس قدر مبالغہ کرتا ہے کہ وہ نظریہ واقعی حسین و جمیل اور دل کش نظر آنے لگتا ہے۔