ماہنامہ ترجمان القرآن، جنوری 2026

اگر کوئی تردّد اور تذبذب کا شکار ہے، حقیقت اس کی نگاہوں سے اوجھل ہے اور ہماری باتوں میں اسے اخلاص یا افادیت کی کوئی جھلک نظر نہیں آتی ہے، تو اسے ہم تحریک سے وابستہ ہونے کی دعوت نہیں دیں گے۔ البتہ یہ مشورہ ضرور دیں گے کہ وہ قریب سے ہمیں دیکھنے اور دُورونزدیک سے ہمیں سمجھنے کی کوشش کرے۔ وہ ہماری کتابوں کا مطالعہ کرے۔ ہماری مجلسوں میں شریک ہو اور ہمارے بھائیوں سے ربط رکھے۔ ان شاء اللہ وہ جلد مطمئن ہوجائے گا۔ انبیائے کرام ؑ کے پیروئوں میں جو لوگ تردّد کا شکار ہوتے تو ان کی یہی صورت ہوتی تھی۔