الجہاد فی الاسلام

اس سلسلہ میں سب سے پہلی چیز یہ ہے کہ محاربین (Belligerents) کو دو طبقوں میں تقسیم کر دیا گیا: ایک اہل قتال (Combatants)، دوسرے غیر اہل قتال (- Non Combatants)۔ اہل قتال وہ ہیں جو عملاً جنگ میں حصہ لیتے ہیں، یا عقلاً و عرفاً حصہ لینے کی قدرت رکھتے ہیں، یعنی جوان مرد۔ اور غیر اہل قتال وہ ہیں جو عقلاً و عرفاً جنگ میں حصہ نہیں لے سکتے یا عموماً نہیں لیا کرتے، مثلاً عورتیں، بچے، بوڑھے، بیمار، زخمی، اندھے، مقطوع الاعضاء، مجنون، سیاح، خانقاہ نشین زاہد، معبدوں اور مندروں کے مجاور اور ایسے ہی دوسرے بے ضرر لوگ۔ اسلام نے طبقہ اوّل کے لوگوں کو قتل کرنے کی اجازت دی ہے اور طبقہ دوم کے لوگوں کو قتل کرنے سے منع کر دیا ہے۔

ایک مرتبہ میدان جنگ میں رسول اللہ صلی اللہ علیہ وسلم نے ایک عورت کی لاش پڑی دیکھی۔ ناراض ہو کر فرمایا کہ ما کانت هذه تقاتل فيمن يقاتل ”یہ تو لڑنے والوں میں شامل نہ تھی۔“ پھر سالار فوج حضرت خالدؓ کو کہلا بھیجا کہ <<لا تقتلن امرأة ولا عسيفا>> ”عورت اور اجیر کو ہرگز قتل نہ کرو۔“ ایک دوسری روایت کے مطابق اس کے بعد آپ نے عورتوں اور بچوں کے قتل کی عام ممانعت فرما دی، <<فنهى النبي عن قتل النساء والصبيان>>

ایک حدیث میں آیا ہے کہ آنحضرت صلی یا اللہ نے فرمایا:

<<لا تقتلوا شيخا فانيا ولا طفلاً صغيراً ولا امرأة ، ولا تغلوا وضموا غنائبكم و اصلحوا و احسنوا ان الله يحب المحسنين>>

نہ کسی بوڑھے ضعیف کو قتل کرو، نہ چھوٹے بچے کو اور نہ عورت کو ، اموالِ غنیمت میں چوری نہ کرو، جنگ میں جو کچھ ہاتھ آئے سب ایک جگہ جمع کرو، بیکی و احسان کرو کیونکہ اللہ محسنوں کو پسند کرتا ہے ۔ "

فتح مکہ کے موقع پر آپ اسی لیے ہم نے پہلے سے ہدایت فرمادی کہ کسی زخمی پر حملہ نہ کرنا، جو کوئی جان بچا کر بھاگے اس کا پیچھا نہ کرنا اور جو اپنا دروازہ بند کر کے بیٹھ جائے اسے امان دینا ( فتوح البلدان صفحه ۴۷)۔

ابن عباس سے روایت ہے کہ آنحضرت صلی ا ہم جب کہیں فوج بھیجتے تھے تو ہدایت کر دیتے تھے کہ معابد کے لیے ضرر خادموں اور خانقاہ نشین زاہدوں کو قتل نہ کر نا <<لا تقتلوا اصحب الصوامع>>

ان مختلف جزئی احکام سے فقہائے اسلام نے یہ قاعدہ مستنبط کیا ہے کہ تمام وہ لوگ جو لڑنے سے معذور ہیں یا عادتاً معذور کے حکم میں ہیں قتال سے مستنیٰ ہیں۔ لیکن ان کا استثناء علی الاطلاق نہیں ہے بلکہ اس شرط کے ساتھ ہے کہ وہ عملاً جنگ میں حصہ نہ لیں۔ اگر ان میں سے کوئی جنگ میں فی الواقع شرکت کرے، مثلاً بیمار پلنگ پر لیٹے لیٹے فوجوں کو جنگی چالیں بتارہا ہو، یا عورت غنیم کی جاسوسی کا کام کر رہی ہو ، یا بچہ خفیہ خبریں حاصل کرنے کی کوشش کر رہا ہو، یا مذہبی طبقہ کا کوئی فرد دشمن قوم کو جنگ کا جوش دلاتا ہو ، تو اس کا قتل جائز ہو گا۔ کیونکہ اس نے خود مقاتلین میں شامل ہو کر اپنے آپ کو غیر مقاتلین کے حقوق سے محروم کر لیا۔ اس باب میں اسلامی قانون کا خلاصہ یہ ہے کہ ہر شخص جو اہل قتال میں سے ہے اس کا قتل جائز ہے خواہ وہ بالفعل لڑے یا نہ لڑے، اور ہر شخص جو اہل قتال سے نہیں ہے اس کا قتل نا جائز ہے سوائے اس صورت کے کہ وہ حقیقہ لڑائی میں شامل ہو یا مقاتلین کے سے کام کرنے لگے (ہدایہ ، باب كيفية القتال - فتح القدير، جلد ۴ ، صفحہ ۲۹-۲۹۲۔ بدائع الصنائع ، جلدے صفحہ ۱۰۱)۔