الجہاد فی الاسلام

لیکن اس قانون سازی کا مدعا صرف اتنا ہی نہ تھا کہ کاغذ پر ایک ضابطہ قوانین آ جائے بلکہ اصل مقصود یہ تھا کہ عملی خرابیوں کی اصلاح کی جائے اور جنگ کے وحشیانہ طریقوں کو مٹا کر اس مہذب قانون کو رائج کیا جائے۔ اس کے لیے سب سے پہلے اس غلط تصور کو دلوں سے محو کرنے کی ضرورت تھی جو صدیوں سے جما ہوا تھا۔ لوگوں کی عقلیں یہ سمجھنے سے قاصر تھیں کہ جب مال و دولت کے لیے جنگ نہ کی جائے، ملک و زمین کے لیے نہ کی جائے، شہرت و ناموری کے لیے نہ کی جائے، حمیت و عصبیت کے لیے نہ کی جائے، تو پھر جنگ کا اور کون سا مقصد ہو سکتا ہے جس کے لیے انسان اپنی جان جوکھوں میں ڈال دے؟ وہ ایسی جنگ کا تصور بھی نہیں کر سکتے تھے جس کو انسان کی خود غرضی اور نفسانیت سے کوئی تعلق نہ ہو۔ لہٰذا داعی اسلام صلی اللہ علیہ وسلم نے پہلا کام یہی کیا کہ جہاد فی سبیل اللہ کے معنی اور وہ حدود جو اسے جہاد فی سبیل الطاغوت سے ممتاز کرتے ہیں پوری طرح واضح کر دیے اور مختلف طریقوں سے جنگ کے اس پاک تصور کو لوگوں کے ذہن نشین کیا۔ اس بارے میں کثرت سے احادیث آئی ہیں جن میں سے چند کو یہاں درج کیا جاتا ہے۔ [ اس باب میں جتنی احادیث نقل کی گئی ہیں، اکثر بخاری (کتاب الجہاد و کتاب المغازی)، مسلم (کتاب الجہاد و السیر و کتاب الامارة)، ابوداؤد (کتاب الجہاد و کتاب الفی و الامارة)، نسائی (کتاب الجہاد)، ابن ماجہ (ابواب الجہاد)، ترمذی (ابواب السیر وابواب الجہاد)، موطا امام مالک (کتاب الجہاد) سے ماخوذ ہیں۔]

ابوموسیٰ اشعریؓ سے روایت ہے کہ:

<<جاء رجل الى النبى صلى الله عليه وسلم فقال ، الرجل يقاتل للمغنم ، والرجل يقاتل للذكر، والرجل يقاتل ليرى مكانه ، فمن فى سبيل الله ؟ قال من قاتل لتكون كلمة الله هى العليا فهو فى سبيل الله>>

’’ایک شخص رسول اللہ صلی اللہ علیہ وسلم کے پاس حاضر ہوا اور بولا کہ کوئی شخص مال غنیمت حاصل کرنے کے لیے جنگ کرتا ہے، کوئی شہرت و ناموری کے لیے جنگ کرتا ہے، کوئی اپنی بہادری دکھانے کے لیے جنگ کرتا ہے ، فرمائیے کہ ان میں سے کس کی جنگ راہ خدا میں ہے ؟ حضور ملی یا ہم نے جواب دیا کہ راہ خدا کی جنگ تو صرف اس شخص کی ہے جو محض اللہ کا بول بالا کرنے کے لیے لڑے۔"

یہی ابو موسی الروایت کرتے ہیں :

اس باب میں جتنی احادیث نقل کی گئی ہیں، اکثر بخاری (کتاب الجهاد و کتاب المغازی) مسلم (كتاب الجهاد والسير و كتاب الامارة ) ابو داؤد (کتاب الجهاد و کتاب انى والامارة ) نسائی (کتاب الجہاد ) ابن ماجہ (ابواب الجهاد) ترمذی (ابواب السیر و ابواب الجهاد) موطا امام مالک کتاب الجہاد) سے ماخوذ ہیں۔

<<جاء رجل الى النبي فقال يا رسول الله ! ما القتال في سبيل الله ، فان احدنا يقاتل غضباً و يقاتل حمية - فرفع اليه رأسه فقال من قاتل لتكون كلمة الله هي العليا فهو فى سبيل الله>>

ایک شخص بی ایم کے پاس آیا اور بولا کہ یارسول اللہ علی ایم قتال فی سبیل اللہ کیا ہے ؟ ہم میں سے کوئی شخص جوشِ غضب میں لڑتا ہے اور کوئی حمیت قومی کی بنا پر ۔ آپ ہم نے سر اٹھایا اور جواب دیا کہ جو شخص اللہ کا بول بالا کرنے کے لیے لڑتا ہے اس کی جنگ راہ خدا میں ہے۔"

ابو اماه با بلی روایت کرتے ہیں کہ ایک شخص نے حاضر ہو کر عرض کیا اریت رجلا غزا یلتمس الاجر و الذكري ماله " اس شخص کے بارے میں آپ مہم کی کیا رائے ہے جو مالی فائدے اور ناموری کے لیے جنگ کرتا ہے۔ ایسے شخص کو کیا ملے گا ؟ "آنحضرت مالی می کنیم نے جواب دیالا شی له " اس کو کچھ ثواب نہ ملے گا۔ " سائل کے لیے یہ بات عجیب تھی، پلٹ کر پھر آیا اور پھر یہی سوال کیا۔ آپ ملی سلام نے دوبارہ وہی جواب دیا۔ اس کا اطمینان اب بھی نہ ہوا، تیسری اور چھوٹی مرتبہ پلٹ پلٹ کر آیا اور یہی سوال کرتا رہا۔ آخر آنحضرت صلی الایم نے اس کو مطمئن کرنے کے لیے فرمایا: ان اللہ لا یقبل من العمل الا ما كان له خالصاً و ابتی به وجهه " اللہ کوئی عمل اس وقت تک قبول نہیں کرتا جب تک وہ خالص اس کی خوشنودی و رضا کے لیے نہ کیا جائے۔"

عبادہ بن صامت سے روایت ہے کہ ایک مرتبہ رسول اللہ صلی علی ایم نے فرمایا: من غزافی سبیل الله و لم ينوا لا عقالا فله ما نوى " جو شخص خدا کی راہ میں لڑنے کے لیے گیا اور صرف ایک اونٹ باندھنے کی رسی کی نیت بھی کر لی تو بس اس کو وہ رسی ہی ملے گی ثواب کچھ نہ ملے گا۔"

معاذ بن جبل سے روایت ہے کہ آنحضرت ہم نے فرمایا:

<<الغزو غزوان، فاما من ابتغى وجه الله واطاع الامام و النفق كريمته واجتنب الفساد فان نومه و نبهه اجر کله و اما من غزا رياء وسبعة وعصى الامام و افسد فى الارض فانه لا يرجع بالكفاف>>

لڑائیاں دو قسم کی ہیں۔ جس شخص نے خالص اللہ کی رضا کے لیے لڑائی کی اور اس میں امام کی اطاعت کی، اپنا بہترین مال خرچ کیا اور فساد سے پر ہیز کیا تو اس کا سونا جاگنا سب اجر کا مستحق ہے، اور جس نے دنیا کے دکھاوے اور شہرت و ناموری کے لیے جنگ کی اور اس میں امام کی نافرمانی کی اور زمین میں فساد پھیلا یا تو وہ برابر بھی چھوٹے گا۔ (یعنی الٹا عذاب میں مبتلا ہو گا ) ۔ "

حضرت ابوہریرہ کا بیان ہے کہ ایک مرتبہ نبی ہم نے فرمایا:

<<اول الناس يقضى لهم يوم القيامة ثلاثة رجل استشهد فاتی به فعرفه نعمه فعرفها قال فما عملت له قال قاتلت فيك حتى استشهد قال كذبت و لكنك قاتلت ليقال فلان جرى نقد قيل ثم امر به فسحب على وجهه حتى القي في النار، الحديث>>

قیامت کے دن سب سے پہلے تین قسم کے آدمیوں کا فیصلہ کیا جائے گا پہلے وہ شخص لایا جائے گا جو لڑ کر شہید ہوا تھا۔ خدا اس کو اپنی نعمتیں جتائے گا اور جب وہ ان کا اقرار کرلے گا تو پھر خدا پوچھے گا کہ تو نے میرے لیے کیا کیا ؟ وہ کہے گا کہ میں نے تیرے لیے جنگ کی یہاں تک کہ شہید ہو گیا۔ اس پر خدا فرمائے گا تو نے جھوٹ بولا ، تو تو اس لیے لڑا تھا کہ لوگ کہیں کہ فلاں شخص بڑا جری ہے۔ سو تیرا یہ مقصد پورا ہو گیا۔ پھر خدا اس کے لیے عذاب کا حکم دے گا اور اسے منہ کے بل گھسیٹ کر دوزخ میں ڈال دیا جائے گا۔ "الخ

عبداللہ بن مسعودؓ سے روایت ہے کہ رسول اللہ صلی اللہ علیہ وسلم نے فرمایا:

<<يَجِيءُ الرَّجُلُ آخِذًا بِيَدِ رَجُلٍ فَيَقُولُ يَا رَبِّ هَذَا قَتَلَنِي فَيَقُولُ اللَّهُ لَهُ لِمَ قَتَلْتَهُ؟ فَيَقُولُ قَتَلْتُهُ لِتَكُونَ الْعِزَّةُ لَكَ، فَيَقُولُ إِنَّهَا لِي يَجِيءُ الرَّجُلُ آخِذًا بِيَدِ الرَّجُلِ فَيَقُولُ إِنَّ هَذَا قَتَلَنِي، فَيَقُولُ اللَّهُ لَهُ لِمَ قَتَلْتَهُ؟ فَيَقُولُ لِتَكُونَ الْعِزَّةُ لِفُلَانٍ فَيَقُولُ إِنَّهَا لَيْسَتْ لِفُلَانٍ فَيَبُوءُ بِإِثْمِهِ>>

”قیامت کے دن ایک شخص دوسرے شخص کا ہاتھ پکڑے ہوئے آئے گا اور عرض کرے گا کہ اے رب! اس نے مجھے قتل کیا تھا۔ اللہ تعالیٰ دریافت کرے گا کہ تو نے اس کو کیوں قتل کیا؟ وہ کہے گا کہ میں نے اسے اس لیے قتل کیا تھا کہ عزت تیرے لیے ہو۔ اس پر خدا فرمائے گا کہ ہاں عزت میرے ہی لیے ہے۔ پھر ایک دوسرا شخص ایک شخص کا ہاتھ پکڑے ہوئے آئے گا اور عرض کرے گا کہ اس نے مجھے قتل کیا تھا۔ اللہ تعالیٰ فرمائے گا کہ تو نے اسے کیوں قتل کیا؟ وہ کہے گا کہ میں نے اس لیے قتل کیا کہ عزت فلاں کے لیے ہو۔ اس پر اللہ کہے گا کہ عزت اس کا حق تو نہ تھی۔ پھر وہ اس کے گناہ میں پکڑا جائے گا۔“

یہ تعلیم جنگ کو ہر قسم کے دنیوی مقاصد سے پاک کر دیتی ہے۔ شہرت و ناموری کی طلب، عزت و فرمانروائی کی خواہش، مال و دولت اور حصول غنائم کی طمع، شخصی و قومی عداوت کا انتقام، غرض کوئی دنیوی غرض ایسی نہیں ہے جس کے لیے جنگ جائز رکھی گئی ہو۔ ان چیزوں کو الگ کر دینے کے بعد جنگ محض ایک خشک و بے مزا اخلاقی و دینی فرض رہ جاتی ہے جس کے مہالک و خطرات میں مبتلا ہونے کی از خود خواہش تو کوئی کر ہی نہیں سکتا، اور اگر دوسرے کی طرف سے فتنہ کی ابتدا ہو تب بھی صرف اس وقت مقابلہ کے لیے تلوار اٹھا سکتا ہے جب کہ اصلاح حال اور دفع ضرر کے لیے تلوار کے سوا کوئی دوسرا ذریعہ باقی نہ رہے۔ رسول اللہ صلی اللہ علیہ وسلم نے خود ہی فرما دیا ہے کہ:

<<لا تتمنوا لقاء العدو وسئلوا الله العافية فاذا لقيتموهم فاصبروا واعلموا ان الجنة تحت ظلال السيوف>>

”دشمن سے مقابلہ کی تمنا مت کرو بلکہ اللہ سے امن و عافیت کی دعا کیا کرو، مگر جب دشمن سے مقابلہ ہو جائے تو پھر جم کر لڑو اور جان لو کہ جنت تلواروں کے سایہ تلے ہے۔“