آئینِ اسلامی جمہوریہ پاکستان 1956ء

اشاعت: 1956ء

· دو لسانی (انگریزی/اردو)

پاکستان کا پہلا آئین، 23 مارچ 1956ء سے 7 اکتوبر 1958ء تک نافذ رہا۔ مارشل لا کے ذریعے منسوخ کیا گیا۔

آرٹیکل 229: پبلک سروس کمیشن

وہ شخص جو دستور کے نفاذ کے دن سے عین قبل وفاقی پبلک سروس کمیشن یا کسی صوبائی پبلک سروس کمیشن کے چیئرمین یا دیگر رکن کے طور پر عہدے پر رہا ہو، اس دن سے، معاوضے اور دیگر مراعات کے سلسلے میں انہی شرائط پر اپنے اپنے عہدے پر برقرار رہے گا جو دستور کے نفاذ کے دن سے عین قبل اس پر لاگو تھیں، اس قانون کے تحت متعین اس کی مدتِ عہدہ کے ختم ہونے تک جس کے تحت اسے مقرر کیا گیا تھا۔