آئینِ جمہوریہ پاکستان 1962ء

آرٹیکل 250: جہاں کوئی قانون، اس دستور کے ذریعے، اس کے تحت یا اس کی رو سے منسوخ کیا جائے، یا منسوخ تصور کیا جائے

جہاں کوئی قانون، اس دستور کے ذریعے، اس کے تحت یا اس کی رو سے منسوخ کیا جائے، یا منسوخ تصور کیا جائے، تو یہ تنسیخ — (الف) اس وقت نافذ العمل یا موجود نہ ہونے والی کسی چیز کو بحال نہیں کرے گی؛ (ب) قانون کے سابقہ اطلاق پر، یا قانون کے تحت جائز طور پر کیے یا برداشت کیے گئے کسی امر پر اثرانداز نہیں ہو گی؛ (ج) قانون کے تحت حاصل، پیدا یا واقع ہونے والے کسی حق، امتیاز، ذمہ داری یا واجبیت پر اثرانداز نہیں ہو گی؛ (د) قانون کی خلاف ورزی میں سرزد کسی جرم کے سلسلے میں لاحق کسی سزا، ضبطی یا جزا پر اثرانداز نہیں ہو گی؛ یا (ہ) ایسے کسی حق، امتیاز، ذمہ داری، واجبیت، سزا، ضبطی یا جزا کے سلسلے میں کسی تحقیق، قانونی کارروائی یا چارہ جوئی پر اثرانداز نہیں ہو گی، اور ایسی کوئی تحقیق، قانونی کارروائی یا چارہ جوئی شروع، جاری یا نافذ کی جا سکے گی، اور ایسی کوئی سزا، ضبطی یا جزا عائد کی جا سکے گی، گویا وہ قانون منسوخ نہ کیا گیا ہو۔