آئینِ جمہوریہ پاکستان 1962ء

آرٹیکل 56: عدالتِ عظمیٰ کی مستقل نشست اسلام آباد میں ہو گی

(1) عدالتِ عظمیٰ کی مستقل نشست، اس آرٹیکل کی شق (3) سے مشروط، اسلام آباد میں ہو گی، لیکن وہ ہر سال کم از کم دو مرتبہ ڈھاکہ میں اتنی مدت کے لیے اجلاس منعقد کرے گی جسے عدالت کا چیف جسٹس ضروری سمجھے۔

(2) عدالتِ عظمیٰ وقتاً فوقتاً ایسے دیگر مقامات پر اجلاس منعقد کر سکے گی جنہیں عدالت کا چیف جسٹس، صدر کی منظوری سے، مقرر کرے۔

(3) جب تک اسلام آباد میں عدالتِ عظمیٰ کے قیام کا انتظام نہ ہو، عدالت کی نشست ایسے مقام پر ہو گی جسے صدر مقرر کرے۔