مکاتیب مودودی حصہ اول

محترمی و مکرمی ، السلام علیکم و رحمۃ اللہ

آپ کا عنایت نامہ ملا ۔ غلاف کعبہ کے بارے میں آپ کا نقطۂ نظر درست نہیں ہے۔ جن امور کا تعلق حج اور بیت اللہ سے ہے، قرآن نے انہیں شعائر اللہ قرار دیا ہے، ان کی تعظیم کا حکم دیا ہے، ان کے احترام کو علامت تقویٰ قرار دیا ہے اور ان کی بے حرمتی سے منع فرمایا ہے۔ کعبہ کو جانے والے قربانی کے اونٹ بلکہ ان کے گلے میں جو قلائد (جو توں کے ہار) ہوتے تھے ان کے بھی احترام کا حکم دیا ہے، حالانکہ یہ ابھی حرم تک نہیں پہنچے ہوتے تھے۔

اس لیے آپ کا یہ خیال صحیح نہیں ہے کہ جو غلاف ابھی تک نہیں چڑھایا گیا ہے وہ کسی احترام کا مستحق نہیں ۔ آخر یہ غلاف خدا کے گھر پر ہی تو چڑھانے کے لیے بنایا گیا ہے۔ اسی طرح آپ کی یہ بات بھی درست نہیں ہے کہ غلاف کعبہ کے احترام کو آپ "پرستش" قرار دیتے ہیں۔ درحقیقت اس پر پرستش کا اطلاق نہیں ہوتا بلکہ یہ "تعظیم شعائر اللہ" کی تعریف میں آتا ہے جسے خود قرآن میں قابلِ تعریف فعل قرار دیا گیا ہے۔

انشاء اللہ میں اس امر کی پوری کی کوشش کروں گا کہ یہ کام "تعظیم شعائر اللہ" کی حدود سے بڑھ کر پرستش تک نہ پہنچنے پائے ۔ میں نے سعودی حکومت سے اپیل کرتے ہوئے غلاف کے "چومنے اور پوجنے" کا ذکر نہیں کیا ہے۔ صرف یہ کہا ہے کہ اسے گاڑی سے نہیں بلکہ تا کہ سب اسٹیشن پر آکر لوگ اس کی زیارت کر سکیں [مصر کے ساتھ سعودی عرب کی کشیدگی کی وجہ سے نہ سعادت پاکستان کے حصہ میں آتی کہ ۱۹۴۴ء میں غلاف کعبہ یہاں تیار نہ ہوتا۔ سعودی عرب کی حکومت نے اپنے خرچ پر مولانا سید ابو الاعلیٰ مودودی صاحب کی زیر نگرانی اور زیر انتظام یہ مقدس کام کرایا تھا۔ اس غلاف کی تیاری کے بعد لوگوں نے اصرار کیا کہ اس کی زیارت کا عام موقع دیا جائے چنانچہ اس کا انتظام کر دیا گیا۔ اس پر ملک میں شور برپا کر دیا گیا کہ یہ بدعت ہے۔ حالانکہ اس سے پہلے ۱۳۴۶ ہجری میں بھی غلاف کعبہ ہندوستان میں تیار ہوا تھا اور امرتسر میں باب کعبہ کے پردے کی زیارت مولانا اسماعیل غزنوی کے مکان پر کرائی گئی تھی جس میں شریک ہونے کے لیے مولانا سید ابو احمد غفور ہی قصور سے تشریف لے گئے تھے۔ یوم ذی القعدہ ۱۳۴۶ھ کے اخبار توحید امرتسر میں بیان کیا گیا تھا کہ دو پہر کے بعد سے عشاء تک زائرین کا تانتا بندھا ہوا تھا، ہزارہا مرد اور عورت اس عرصہ میں زیارت سے بہرہ اندوز ہوئے''۔ تعجب ہے کہ اس وقت وہ زیارت کسی کو بدعت محسوس نہ ہوئی۔ (مرتب)]۔

خاکسار

ابو الاعلیٰ

بنام کیپٹن محمد شریف خان شمس آباد کالونی ملتان

مورخہ ۶، فروری ۶۲ ء