اسلام اور ضبط ولادت

{https://drive.google.com/file/d/1jgwaQK7na6-U4dA7N79CaM7wzKHjMjR9/view?usp=sharing}

ان تمام ممالک میں بلا استثناء آبادی کی اندرونی تشکیل میں یہی تغیر واقع ہو رہا ہے۔ حال ہی میں اقوام متحدہ نے آبادی کی پیرانہ سالی کے اس رجحان پر ایک تحقیقی رپورٹ شائع کی ہے جس میں اس امر پر تشویش کا اظہار کیا گیا ہے۔[The Aging of Population & Its Economic & Scial Implications." United Nations Department Of Economic and Social Afairs, New Yourk. 1956.]

اس رپورٹ کے فراہم کردہ اعداد وشمار سے معلوم ہوتا ہے کہ آبادی میں 65 سال یا اس سے زیادہ عمر کے لوگوں کے تناسب میں 1900ء اور1950ء کے درمیان غیر معمولی اضافہ ہوا ہے۔ اگر 1900ئ کو 100فرض کرلیا جائے تو 1950ئ میں مختلف ممالک میں تناسب کا انڈکس یہ تھا:

{https://drive.google.com/file/d/19TGRxIG5Flwsao4PRBfEAX6uquqFD1pN/view?usp=sharing}

رپورٹ میں اس امر کا اظہار بھی کیا گیا ہے کہ تناسب کو تبدیل کرنے میں بڑا دخل باروری اور شرح پیدائش کی تبدیلی کو ہے۔ اس سلسلہ میں شرح اموات کی تبدیلی اتنی مؤثرنہیں رہی ہے جتنی شرح پیدائش کی تبدیلی۔[ایضسا صفحہ٢٢]

مغربی ممالک میں بوڑھوں اور بچوں کا تناسب بگڑنے پر پروفیسر تھامپسن بڑی تشویش کااظہار کرتا ہے۔ وہ کہتا ہے:

’’یہ حقیقت (یعنی بوڑھوں کی تعداد کا بڑھنا)بہت معنی خیز اور مؤثر ہے کیونکہ پیرانہ سال افراد کی زیادتی کے معنی یہ ہیں کہ شرح اموات بڑھے گی اور شرح پیدائش میں کمی ہو گی، نیز بوڑھے لوگ نوجوانوں کے مقابلہ میں معاشی حیثیت سے کم مفید اور پیدآور (productive) ہوتے ہیں۔[پروفیسر تھامیس ،مسائل آبادی ۔کتاب مزکورہ صفحہ ٩٥]

معیشت کی صحت مند بنیادوں پر ترقی کرنے کے لیے ضروری ہے کہ بوڑھوں اور جوانوں میں ایک خاص تناسب قائم رہے تاکہ تمدن کی گاڑی کھینچنے والے مضبوط ہاتھ کبھی کمزور نہ پڑنے پائیں۔ قدرت نے اس کا پورا پورا بندوست کیا ہے۔ لیکن ضبط ولادت کی وجہ سے قدرت کے کام میں جو مداخلت کی جاتی ہے اس کی بدولت یہ فطری توازن بگڑ جاتا ہے۔ بوڑھوں کی تعداد تو برابر بڑھتی رہتی ہے لیکن بچوں میں مناسب رفتار سے اضافہ نہیں ہو سکتا اور تناسب برابر ناموافق ہوتا جاتا ہے۔ اس کا آخری نتیجہ کارکنوں کی قلت اور قومی طاقت کا زوال اور معاشی قوت کی کمی ہے۔ پھر جب نوجوانوں کے تناسب میں کمی کے ساتھ ساتھ کار فرما عناصر کی قلت اور قحط الرجال بھی شامل ہوجاتے ہیں تو آخر کار ایک قوم حاکم سے محکوم بن جاتی ہے اور سربلندی وسرفرازی کے مقام سے گر کر کمزوری اور باجگزاری کے درجہ پر پہنچ جاتی ہے۔ حقیقت یہ ہے کہ فطرت اپنے باغیوں کو کم ہی معاف کرتی ہے۔ خود اس کی بغاوت ہی کے اندر ایسے مضمرات موجود ہوتے ہیں جو بالآخر اس جرم کی سزا کا کام انجام دے ڈالتے ہیں اور دوسروں کے لیے عبرت کا سامان فراہم کر دیتے ہیں۔<< فَاعْتَبِرُوْا یَا اُوْلِی الْاَبْصَارِ>>۔