ابن الہیثم کی کتاب المناظر

حسن بن الہیثم نے قاہرہ میں سات جلدوں پر مشتمل 'کتاب المناظر' لکھی، جس میں ثابت کیا کہ دیکھنے کا عمل آنکھ سے شعاع نکلنے سے نہیں بلکہ اشیاء سے آنے والی روشنی کے آنکھ میں داخل ہونے سے ہوتا ہے۔

انہوں نے روشنی کے انعکاس و انعطاف اور تاریک کمرے (کیمرا آبسکیورا) پر تجربات کیے اور دعوے کو تجربے سے پرکھنے پر زور دیا۔ کتاب کا لاطینی ترجمہ یورپ میں علمِ بصریات کی بنیاد بنا۔